Gegare Bensin
Pak Beluk--
SEKITAR hampir sejaman Pak Beluk nunggu Ojol ye kerap dibatalkan dengan alasan kehabisan bensin. Pak Beluk berunyam sambil nginai handphone mengatakan alangkah sege hidup di kota ame dide ade bensin.
"Adak Luk ini pule idup di kota ame bensin Sege. Dide keruan kepean agi," ujar pak Beluk dalam hati.
Dide beghape lame datang tukang Ojol njemput Pak Beluk la nunggu sejaman.
Hampir nyampai tujuan, motor yang ditumpangi pak Beluk mati tengah jalan.
Tukang Ojol ngateka dengan Pak Beluk motor die habis bensin ndak ngantri bensin.
Nginak motor tiga Luk ulae sangking panjangnye, Pak berunyam nduk kalu dide ka udim seaghini antrian ni.
Akhirnye pak Beluk milih jalan keting dengan jadi pusat kinaan jeme karnenye makai baju ndak kuli bangunan.
"Ai malukah ini, dide pule teingat tadi mbawe baju alap juge. Gegare bensin gale tini," mumut pak Beluk.
- Tag
- Share
-
-
