Motor Dide Bemerek
Pak Beluk--
PAK Beluk lum lama ini dapat musibah.
Motor gerandong kesayangan kenan yang setia dipakai untuk kerje lengit maling bandit.
Dapat kabar motor Pak Beluk lengit, Merin langsung beghusik.
“Luk mane cerite, make pacak lengit motor kabah,” tanye Merin.
“Yak lukmane, jeme galaknye,” jawab Pak Beluk santai.
“Ai buyan tukang maling itu, nide keruan apa, motor itu untuk siape,” kate Merin.
“Itulah, nak nanggung jeme maling itu aman dapat,” kate Pak Beluk.
“Udim kabah lapor ke polisi,” tanye Merin.
“Udim tadi, mudah-mudahan polisi pacak nangkap malingnye,” kate Pak Beluk.
“Empuk udim buat laporan, kite harus bedalak motor itu,” kate Merin.
“Aulah, udim aku umumkan di grup. Bahwe motor aku lengit dan ciri-cirinye juga udim aku kicikah,” jawab Pak Beluk.
“Pukuknye kele aman dapat awas nian tukang maling itu,” sambung Pak Beluk.
“Sebenarnye aman tukang maling itu keruan motor kabah, pasti nidekah endaknye. Tapi luk mane maling anak keruani itu motor kabah, kecuali di motor itu ada tulisan motor Pak Beluk,” jawab Merin sambil tetawe.
“Au nian, motor dide bemerek nian,” timbal Pak Beluk serius.
- Tag
- Share
-
-
