Kutukan Taik

PETANG kemaghi Pak Beluk ngobrol santai di rumah Merin. Die bedue ni maju mbahas masalah kutukan.

Maklumlah pule, Merin ni memang galak nian ye ngarah hal mistis. Jadi, Pak Beluk ye ndik keruan tape-tape tinggal ngangguk-ngangguk tulah.

"Ce, kaba keruan dide rande ye di ujung dusun ni," kate Merin.

"Adak sape pule titu ce," tanye Pak Beluk.

"Ai ade jeme ujung dusun ni. Die tu lah 4 kali belaki. Setiap belaki pasti ninggal tulah lakinye," kate Merin.

"Ntuk ngape pacak luk itu ce," Pak Beluk penasaran.

"Amun kate jeme, rande itu kene kutukan. Die tu ade taik lalat di bakigh (bahu, red). Amun cerite jeme tue dulu, amun ade taik lalat di bakigh, pasti betine tu kene kutukan. Sape kina nikahinye pasti mati tula," Merin cerite serius nian.

"Ntuk pacak luk itu ce, adak bahaye titu," timbal Pak Beluk.

"Itulah, ndak sepade kaba, cube kaba cek kudai Ndung Yung tu, kele ade pule die taik lalat di bakigh nye," Merin nakuti Pak Beluk.

Pak Beluk ye murah tepengaruh, langsung cemas setu ndengar cerite Merin. Kenan langsung balik dan ngecek bakigh Ndung Yung.

Singkat cerite, sampai di rumah Pak Beluk maju bukak ingkap nginaki bakigh Ndung Yung.

"Nah ngengape kamu ni Bapang Yung, lah gile kamu ni," Ndung Yung rengam.

"Nginaki taik lalat, kate Merin tadi amun jeme ade taik lalat pasti kene kutukan, lakinye ndik kah lame," Pak Beluk njelaskah.

"Ai lah buyan nian kamu ni, amun waktunye mati masih ke mati tulah. Ndik bedie urusan die ngan taik lalat kapuh. Lah iluk beghubat kudai kamu ni," kate Ndung Yung rengam.