Cuitkah Bibir

cuitkah bibir jadi ceritanye pak beluk ngah ndung yung ni ndak ke ghuma jeme kerjean. sate sampai sane betemu ngah kerbai jeme sunda.  mangke tu gawih lum kenal ni tadi, tanye ilah ngah ndung yung. "jeme mane kamu?" ndung yung nanye. lum juge nimbal kerbai ni tadi. baca juga:sementara, ini 25 caleg terpilih dprd kaur, 5 partai berpeluang unsur pimpinan "buk jeme mane kamu buk?" lanjut ndung yung. singkat cerite bisikinye lah ngah pak beluk. “ui ndung yung... kalu die tu tuli ase ku ame ukan jeme kite. cube dengah tanyei pakai bahasa indonesia, ame die jawab berati kane jeme kite,” kate pak beluk, bebisik. tanye ilah gawi ndung yung kerbai ni tadi dengan logat bahasa indonesia. anye sebelum nanye ni tadi ndak cuil kuday, mangke lemak nulih langsung. pas udim dicuil kerbai ni tadi, tanyei lah ngah ndung yung. "buk permisi orang mana kamu?" kate ndung yung, dengan nada bahasa indonesia agak kaku. senampur langsung jawabnye ngah kerbai ni tadi. "tadi ibuk nanya saya ya, udah dua kali nanya, tapi ga di jawab. kalau saya orang sunda tinggal di sini baru 2 hari," jawab jeme sunda. singkat cerite agi, lah banyak obrolan ndung yung dengan kerbai sunda ni tadi. lah nuju ndak balik ke ghumah, di atas motor ngicik lah ndung yung ngah pak beluk. "dikde aku semasuk’an ngah kerbai tu tadi. tuape cuit-cuitkah bibir behingam dimak dikinak," kate ndung yung. "haha... lipstiknye tu tadi belipotan, lah tebal ige lipstik die tu ndung yung. dik tebawe agi bibir lah beghat ige lipstik, sangkan cuit-cuitkah bibir tu haha," kate pak beluk, lebih parah nyemun.

Tag

• # kaur
• # radar kaur
• # pak beluk

Share

• 
• 
• 
• 
•