Tue di Sekol
Pak Beluk--
PETANG kemaghi Yung Pantit dengan kawan sekol lah janjian ndak kerje kelompok. Berhubung Yung ni paling tue dengan kawan-kawannye, jadi Yung yang ngetuainye.
"Sebenarnye kalu aku jadi ketua ni kurang cocok nian, biarlah yang lain," kicik Yung dengan kekawannye.
"Nide kah ngape Yung, sesekali jadi ketua," timbal kawan Yung.
"Ntok mentang aku paling tue adak nide ndak jadi patokan," Yung maju ngicik.
Singkat cerite lame gaweh milih ketua ni, Yung Pantit agak ngelak, karne lum pernah.
"Nampaknye kurang bebakat aku, gilah kamu saje, puk lah tue-tue di sekol anye mental ku lum jagok nian, alias mental kerupuk,” Yung Pantit maju ngelak.
"Saree nihan pak ketua ni, lah 2 taun nide naik kelas, tue-tue dalam kelas anye masih kinah nide ngerti. Agak ngeri Yung," timbal kawan yang agak pintar.
Singkat cerite agi, berhubung Yung ni agak bigal laju urung jadi ketua.
"Tulah Yung kalu guru ngajung kan belajar tu belajar, nide sampai sekolah ngandun tiduk lah liur bangai gale mijahh hahah," ragam kawan Yung Pantit ye lain. *
- Tag
- Share
-
-
