Buyan Tepelalu
Pak Beluk--
PAK BELUK temenung, ukan sekedar bande ye tegadai. Tapi gagale hartenye kini mikut tegadai. Sangkin bingung kah bayar gadaian motor dengan mobilnye. Pak Beluk berasan dengan Merin minjam duit 10 juta.
"Ce aku bulih minta tolong dengan kaba, penting nian ini," kate Pak Beluk.
"Selagi pacak di tulung, ngpe dide ce," balas Merin.
"Minjam kudai duit kaba 10 juta. Aku kahk bayari gadaian motor dengan mobil ku," kate Pak Beluk.
"Iyaaak, besak itu ce. Kalu 10 juta aku dide bedie, cuma kalu 100 ribu ade," balas Merin.
"Aku minta tolong nian ce, kalu dide dibayar hari ini motor dengan mobil hangus," jawab Pak Beluk.
"Ngpe sangkan motor dengan mobil tegadai ini ce," tanye Merin penasaran.
"Gara-gara slotlah ini ce," balas Pak Beluk.
"Aiiii, untung dide kolor tegadaii, cube aku tanyekan dengan kawan yang lain. Kalu sebesak itu, pasti ade jaminannye," balas Merin.
"Itulah aku bingung, tuape agi aku jaminkah ini awu," balas Pak Beluk bingung.
"Madak, kalu ade ye galak bini dengan anak ku jadi jaminannya ce," balas Pak Beluk.
"Allah Huakbar, buyan tepelalu nian kabah ini," balas Merin.
- Tag
- Share
-
-
