Salah Makne

LUM LAME ni pas aghi libur, Pak Beluk nemuni kancenye Sema'ul ye ade di Manna Bengkulu Selatan.

Die bedue ni memang lah bejanji ndak ndalak umbut uwi (rotan, red) ke hutan yang ade di hulu Bengkulu Selatan.

Singkat cerite, pas lah sampai di hutan, die bedue ni langsung bedalak umbut. Ndik lame tu Pak Beluk nemun umbut Kesugh.

Karne kenan dide pacak mangmbiknye, Pak Beluk manggil kancenye.

"Ui ce, itu ade umbuk Kesugh," kate Pak Beluk.

"Manau," timbal Sema'ul.

"Kesugh, manau njak mane titu," Pak Beluk mulai rengam.

"Manau diau ce," uji Sema'ul agi.

"Yak luk ape kaba ni ce, umbut Kesugh titu. Mase ndik keruan bai. Temanau-manau kaba ni," Pak Beluk lah ngangat.

"Ui Bapang Yung, manau base kami Bengkulu Selatan tu same dengan mane die amun base kamu Kaur. Aku betanye dimane badah umbut Kesugh katau kaba tu," Sema'ul njelaskah panjang libagh.

"Ui luk itu, aku kire tadi kaba ngicikka umbut tu umbut Manau, salah makne bahase aku tu," kate Pak Beluk sambil nyengir.

"Itulah, jangan mudah ige mampap ndik keruan acung ce, telantak dengan jeme gerangsangan tadi kalu lah kene tujah kamu tu tadi," Sema'ul ngiciki Pak Beluk.

"Ui awu ce, salah nian aku, hehehe," kate Pak Beluk sambil nyengir-nyengir.*