Nembak Kecul

PETANG kemaghi Pak Beluk becerite dengan bininye, Ndung Yung.

Kenan ni, ceritenye lah berape hari ni mintak daftarkan Facebook dengan kancenye Ujang Kericup.

Anye, sampai mbak ini Facebook kenan lum kila jadi-jadi. Awak padahal Pak Beluk maju ngejuk duit ngan Ujang waktu mintak daftakan tu.

"Ai litak nian ini Ndung Yung. Ngape Facebook aku lum kila jadi-jadi," kate Pak Beluk mulai becerite.

"Uji kate kamu lah udim mintak daftakan ngan Ujang. Ngape lum kila jadi," timbal Ndung Yung.

"Awu lah udim. Mane lah aku enjuki tanci pule Ujang tu," kate Pak Beluk agi.

"Yak itulah, berarti lah kene tipu ngan Ujang baseka kamu tu," uji Ndung Yung.

BACA JUGA:Momentum Isra Miraj, Simak Pesan Menyentuh dari Sekcam Muara Sahung

"Itulah kateku. Awak aku ndak nian pakai Facebook tu. Ape agi kate jeme mbak ini pacak ngasilka tanci main Facebook kini," Pak Beluk njelaska ngan bininye.

"Nah amun luk itu ajungkah ngan jeme lain Bapang Yung. Kapan perlu tembak saje jeme Facebook tu," kate Ndung Yung.

"Ditembak luk ape Ndung Yung," Pak Beluk bingung.

"Ui ditembak luk jeme ndaftar pegawai ngan ndaftar segalenye tu nah. Kan amu ditembak langsung njadi," uji Ndung Yung.

"Ui awu ngenian pule awah. Kite dalaki kudai tukang tembak Facebook ni amun luk itu. Asak ke ngasilka tanci galak saje aku nembak daftar Facebook ni," 

Dalam hati kenan “Nembak kecul kalau model ini dengan Ujang Kericup ni”.