Pelancar Bisnis

Belum lame ini Pak beluk dengan Merin jalan-jalan ke Kota Bengkulu. Maklum saje lah nyagu ngijekah kerjean ni. 

Bisnis de pernah berakhir, ade saje yang ndak dilakukan untuk memenuhi isi bedit atau peghut base kance ini. Saking banyaknye bisnis, Pak Beluk de tahan lagi ngajak memidang ke kota dengan Merin. 

Anye pak beluk begonceng dengan Merin pakai mutur bughuak keluaran 70-an. Mpuak lah tue, tapi tenaganye masih mantap. Anye kendalanye galak ngejut amen nginak betino di jalan. 

Tapi amen nginak sapi di jalan pacak melumpat care ngindarkannye. Lah beghape kali sapi mati tetumbur dengan gerudho bughuak punye Pak Beluk ini.

Ringkas cerite datanglah Pak Beluk ke rumah Merin.

“Ape lukak Merin ngape nyembunyi saje,” kata Pak Beluk mpai sampai ke rumahnye.

“De, cuma mikirkan agi ndak hujan saje,” timbal Merin.

“De ngape hujan terus asal rezeki tambah cete,” uji Pak Beluk.

“Samelah, amen hujan de pacak begerak, tinggal nunggui aiak kupi segelas besak dengan guring pisang,” timbal Pak Merin agi.

“Kite ke memidang kudai ke Kota Bengkulu k mangke de jenuh nihan ngijekan bisnis ni,” kate Pak Beluk.

“Ok asalmu gale tanggung biayanye,” timbal Merin

“Gampang itu pacak diatur, anye aku gocengan saje, mu bawak muturnye,” timbal Pak Beluk agi. 

Mulailah berangkat, ndecit seminggenye dua sekance ni. Peci hujan sepanjang jalan. De pacak berenti, mane buntut Pak Beluk lah teluntum bemuni. Ceki masuk angin.

“Tolong Merin berentikah kudai gerude ni,”kate Pak Beluk