Kalah Bebalah
![](https://radarkaur.bacakoran.co/upload/2be9e81bc9139a0d0b8d8d58d8e21728.gif)
Pak Beluk--
MAK Beluk hari ini pegi ikut kegiatan TP-PKK di ibukota kabupaten. Karne harus pegi njak akap die terpakse masak seadenye.
Siangnye, waktu balik njak kebun Pak Beluk ye kelaparan ndak makan. Tapi waktu nyingkap tudung nasi, die dibuat terkejut. Cume sambal cabi gulai ni. Lukmane ndak semangat makan amu luk ini.
Pak Beluk lantas ngehubungi bininye lewat pesan di aplikasi WhatsApp.
"Oii Endung Yung. Ngape dide gulai kamu ni. Mustahil cuma gulai sambal cabi garam nilah," tulis Pak Beluk.
Ndik lame berselang balasan njak bininye masuk, "Yak cube improvisasi sughang. Di kulkas tu telur, ikan nga ayam. Digorengkah senampur ape susahnye".
"Aku ni mintak masakan. Mase kamu ajung improve," balas Pak Beluk ndik kalah sengit.
"Jangan malas. Amu ndak ngandalkah bini kalu dide makan lemak kamu tu," ketus Mak Beluk.
Sadar ndik kah menang bebantah nga bininye. Pak Beluk memilih diam. Dalam hati die ngicik, "Didi nian kah menang bebantah nga betine ni. Mpuk die ye salah masih kan awak tulah ye kalah. Mungikin inilah kate jeme tu kalah dengan bini, ukan karene belage kapuh. Kalah bebelah". (yie)