Cecite Ribang

cecite ribang belum lame ini yung pantit ni sibuk nanyekah tape itu cite-cite ngah pak beluk. “ape nian bak cite-cite kabah ye mude dulu bapang,” tanye yung. “ngape nian kabah ni seminggu-minggu ini nanyekah cite-cite terus ni,” kate pak beluk. baca juga:muslim wajib tau! berikut manfaat salat, nomor 3 jadi keinginan setiap muslim “soalenye setiap aku nanyekah cite-cite dengan bapang dan ndung dikde bedie jawaban,” jawab yung. “pukuknye cite-cite kami due ngah ndung mu ni, ndik tinggi-tinggi nian, hidup ye lemak, ndik bedie hutang kebutuhan tecukupi, udim itulah,”jawab pak beluk. “wajib nian au bak cite-cite tu, kawan-kawan ku ni ye aneh nian cite-cite ye,” kate yung. “cecite tu penting ndik penting sebenaghnye, pentingnye make kite semangat juge njalani hidup, karne kite punye target cite-cite ya kah kite capai tu,” kate pak beluk. karne lah kepayahan ditanyei yung pantit cite-cite terus, penasaran lah pak beluk tape nian ye mbuat yung ni nanyekah cite-cite terus ni. “emang cite-cite kabah tuape nak,” tanye pak beluk. “kemaghi tu sebenarnye lah ditanyei guru kami, setiap siswa tu ape cite-citenye, kance ku ni cite-cite nye ndak jadi dokter, make pacak nyembuhkah jeme dan buat jeme tu bahagi,” yung becerite ngah bapangnye “jadi kabah ndak jadi dokter,” potong pak beluk yung belum selesai becerite. “ndik bak, aku ye ndak jadi pasien saje, make aku bahagia. biarlah kance aku ye jadi dokter lemak pacak mbahagia aku, dikicikkah guru kami bange aku kemaghi bak,” kate yung. bingung pak balak jadinye, dalam ati kenan cete yung ribang dengan budak betine tu.  tapi akhirnye telebus juge “kabah tu bececite karene kabah ribang dengan budak tu”.   

Tag

• # radar kaur
• # pak beluk

Share

• 
• 
• 
• 
•