Jalan Mbuntut

Reporter: Rohidi Effendi |

Editor: Dedi Julizar |

Minggu , 04 Feb 2024 - 20:43

Pak Beluk--

jalan mbuntut                            kemaghi pak beluk dengan kawan-kawan kerjenye pegi ndatangi undangan ke kota besak.
singkat cerite, pas udim njak undangan tu, kekawan pak beluk ni ngajak masuk mega mall.
anye karne plat stum pak beluk ni cuman ade plat belakang saje.
sebab, sepengetahuan pak beluk, amun ndak masuk mega mall tu, kendaraan wajib ade plat nian, minimal plat muke.
jadi rombongan ni bingung luk ape ndak masuk ke mall tu kele.
sambil bejalan nuju mega mall tu, pak beluk tepikir ide berlian.
singkat cerite agi, pas sampai, pak beluk langsung bejalan mundur ndak masuk ke mega mall tu.
nginak stum ye aneh ndak masuk, satpam mega mall langsung mberentika setum pak beluk.
"maaf pak, bapak ini mau ke mana," tanye pan satpam.
"yak ndak masuk ke mega mall nila, kemane pule agi," timbal pak beluk.
"kalau mau masuk ke sini, kenapa mobil bapak jalanan mundur," tanye pak satpam agi.
"anu pak satpam, stum kami ni nide bedie plat muke. ye ade cuman plat belakang tulah. uji amun nide beplat muke dide pacak masuk ke sini. makenye aku jalan mundur saje," pak beluk njelaska.
"ngga bisa pak. itu menyalahi aturan. bapak silahkan pasang dulu platnya baru datang lagi ke sini," kate satpam njelaska.
"yak buyan kamu ni, same saje base barang tu. amun pacak masuk jadilah. alang ke segenye pule bai. baseka masuk njak depan atau masuk jalan buntut same saje asak pacak masuk," pak beluk rengam.
"apa susahnya pak, tinggal lepas aja plat belakang bapak, lalu pasangka ke depan," kate satpam nunjuki.
"ui awu adak nian pak," uji pak beluk sambil nyengir-nyengir maluan.

Tag

Share

Koran Terkait

Kembali ke koran edisi Radar Kaur, Senin 5 Februari 2024

Berita Terkini

Berita Terpopuler

Berita Pilihan