Pembantu Pintar

KEMAGHI ndung Yung bini Pak Beluk tebace iklan di salah satu koran harian.  Iklan itu nyebutkan tentang seleksi pembantu.

Karne gaji yang di tawarkan besak, jadi ndung Yung langsung ndak ngikut. Karena, pikir Ndung Yung pacak kaye jadi pembantu.

Singkat cerite, pas lakinye Pak Beluk balik langsung dikicikkan nye bahwe die ndak ngikut seleksi tu.

"Anu bapang Yung. Aku ndak melamar kerje jerang agi ni kele. Luk ape kikire menurut kamu," tanye Ndung Yung.

"Nah ndak kerje tape kamu ndung Yung," timbal Pak Beluk.

"Jadi pembantu. Anye gajinye besak nian, sampai puluhan juta sebulan," kate Ndung Yung pede nian.

"Yak jadi pembantu tape die pule sangkan gaji sampai puluhan juta tu ndung Yung," Pak Beluk penasaran.

"Aku tadi nginak iklan di koran. Bahwe mbak kini ade seleksi pembantu rektor. Gajinye sampai puluhan juta. Udim tu dapat mobil dan rumah pule," uji Ndung Yung njelaskah.

"Ui titu. Tape kah kamu aduk kah ngan jeme tu ndung Yung sangkan pede nian kamu ndak ngikut seleksi tu. Keruan kamu seleksi pembantu rektor tu tape," kate Pak Beluk ngiciki bininye.

"Adak ngape kamu ngicik luk itu bapang Yung. Ngape kamu dide percaye ngan aku ni. Segale pacak aku ni. Ape agi ijean pembantu nila. Kah seberape nanak nggulai ngan masuh piring kapuh," Ndung Yung bejijih.

"Ui amun kamu ndak keruan, jeme ndak ngikut seleksi itu tu ndak sekul tinggi udim tu ndak pintar. Bukan die asak galak. Basekah pembantu rektor tu jadi penulung kerjean rektor tu. Bukan die jadi tukang di dapugh. Amun jeme luk kamu ni tape ndak diadukkah, sekul adak segale dide. Pembantu rector itu jeme pintar, ukan jeme sembarangan," Pak Beluk rengam.

"Ui luk itu awah. Kireku tadi pembantu rumah tangga rektor tu," Mak Beluk empai keruan.

"Ai bigal aaii. Amun bukan kah jadikah peribut  lah ku bigalkah nian kerebai ini," kate Pak Beluk dalam ati.