Ndik Lulus Tes

Ceritenye Ndung Pantit ni pai udim tes TNI anye ndik lulus, yang lulus tu kance nye Budi.

Setelah dapat informasi Yung Pantit dik lulus, sedih Ndung Yung ni tadi. Ngeratapi nasib.

Lah redam juge, paginye tu Ndung Yung ni ndak berayak ke tetangga dusun sebelah, kancenye Yung Pantit tadi. Ndak ngawaskah anaknye pai udim lulus TNI Angkatan Darat. 

Singkat cerite, sate lah sampai banyak benagh ratapan Ndung Yung ni tadi. Base ngicikkah ngape anaknye dik lulus padahal tinggi badan same.

Mangke tu ade pule ye nyahut base senasib ngah Yung Pantit, lebih parah agi ngicik lemak anak kamu ndik bedie cacat.

“Ame anak ku cubelah nah, padahal anakku dik lulus cuman dik pacak berenang, awak ngambik bagian TNI Angkatan Udara,” sintung salah sughang kerbai.

“Mase ndak pacak berenang benagh, padahal nanti ndak terbang, kane ndak berenang. Ame perang kalu dikde jeme tu berenang aseku. Nah luk mane jelahkan Ndung Yung?” maju kerbai tu bejijih.

“Same benagh kite tu, ame Yung Pantit ngambik TNI Angkatan Darat cacat cuman sikuk, gigi maju,” kate Mak Beluk. 

“Nah lukmane titu, jelah kate kabah tadi mase dik lulus cuman gara-gara gigi maju,” maju Mak Beluk bejapeh.

“Perasean aku ame jeme tu mudah benagh lulus, ngape bagian kite ni sulit benagh. Nah ngulang cerite perang tadi, mase ndak perang segigitan didekan ade jeme segigitan ame perang, palingan gunekah pestol. Ngape anak ku Yung Pantit dik lulus cuman masalah gigi maju,” Mak Beluk, ndik terem-rem agi.