Salah Badah

BELUM lame ini Merin pamit dengan Pak Beluk dak pegi ke kebun dengan bibainye. Anye saje kali ini Merin dengan bibainye naik stum travel masuk jalan lintas tol. 

"Ape lukak Merin lain nihan musim kupi ni," uji Pak Beluk.

"Biase saje Pak Beluk, lagi musimni lemak gale. Tiduk lemak, makan lemak," timbal Merin.

"Aku aning kabah rencane kah ke kebun, tolong belikah oleh - oleh kalu balik nanti," jawab Pak Beluk.

"Au Pak Beluk pacak dibelikan asal mu senang," uji Merin.

Pas pagitu lah necit Merin dengan bibainye berangkat. Naik stum travel mintasi jalan tol. Selame bejalan naik stum Merin dengan bibainye kedinginan. Maklum stum model kini pakai AC.

Pas supir singgah ke badah model cak kios di tol. 

Lasung saje bibai Merin ngicik “Minta tulung supir belikah penekil atau gas ndak idupkan api rukuk di gerubukan itu”.

Jawab supir “Dide ade jualan penekil di tol ni, ini bada ngancakah kartu tol. Ukan kios jualan ini oi, lah lame aku bawak stum ni. Mpai inilah ade mak-mak minta belikah penekil batan rokok di kios jalan tol”. 

“Yak ukan warung itu au, ku pikir badah jeme bebelian. Sebab rami nian mobil antri, salah badah au,” uji bini Merin.*