Bapak Beghuk
Pak Beluk--
LAH berape aghari ni Pak Beluk kerje di salah satu perusahaan media. Kenan melamar sebagai wartawan.
Karne lamaran kenan lah diterima, jadi kenan langsung turun ke lapangan ndalak berita.
Lum lame bejalan Pak Beluk betemu ngan jeme berkerumun di jalan.
Pak Beluk yakin bahwe ye jeme kelilingi tu pasti jeme kecelakaan parah.
Anye karne saking banyak jeme nginak Pak Beluk ndik tahu lalu. Udim bepikir keras, Pak Beluk langsung dapat ide.
"Minggir-minggir semua. Saya mau lewat, saya ayah korban. Saya minta jalan," uji Pak Beluk sambil maju bejalan kampung jeme rami tu.
Sesuai dugaan, jeme berkerumun tu langsung mempersilahkan Pak Beluk lalu.
Anye segale mate jeme tu langsung meratikan Pak Beluk.
"Ai murah nian nipukah jeme ni," dalam ati Pak Beluk.
Satu sampai di ditengah kerumunan Pak Beluk tekejut bukan main. Mungke Pak Beluk langsung abang.
"Cacam, adak beghuk (Monyet, red) setembak ini tadi. Mati nian aku. Laju jadi bapangnnye beghuk ini," dalam ati Pak Beluk sambil nukuk maluan.
- Tag
- Share
-
-
