Bujang Tue

CERITENYE Pak beluk dan Merin Agi nongkrong di warung kopi. Merin si bujang tue, slow, tapi besak palak masalah jodoh. Jadi Pak Beluk galak nyindir dengan lawakan.

"Rin, lah tue bujang ni, dide ade rencane nikah Rin?" tanye pak beluk

"Bujang apelah? Dide pule jadi masalah, aku ni bujang gaya terus. Dide perlu buru-buru," jawab Merin enteng.

"Gaye apelah? Cewek lah nganggap kaba duda anak due. Gumbak kaba tu lah luk alang-alang, naik turun!" Sahut Pak Beluk.

"Itu lah, gumbak ni bukan turun, itu strategi biar kepala sejuk. Dide pule ndak kawin cepat, takut salah pilih," sahut Merin.

"Kawin atau dide, tu calon istri kaba dide datang-datang. Kaba ni luk preorder barang, tapi barangnya dide sampai-sampai!" ujia Pak Beluk.

"Sabar, jodoh tu bukan luk belanja online. Die datang surangan, dide pacak dipakse-pakse," balas Merin.

"Awu, tapi kaba tu lah tue, lah ampir kadaluarsa. Kaba tu rin, mending ganti toko saje," uji Pak Beluk.

"Dide ngape, yang penting aku bahagia. Ndak tidur seharian, dide ade yang ngucak. Dide luk kaba, minjak tengah malam ganti popok anak," Merin mbalas.

"Hahaha, lemak tiduk lame. Tapi hati-hati rin, kele tue jangan sampai dijenguk pake stom ambulan," sahut Pak Beluk sambil tetawe.

"Hahaha! Awu itu jodoh yang pasti datang! Kalu lah sampai situ, aku siap!" jawab Merin sambil tetawe.*