Fyp
Pak Beluk--
Lah beberapa hari ini, Pak Beluk tekinak rajin liwatan. Setiap jam 6 hayu ble lah nyapu laman rumah. Tapi, setiap beberapa kali sapu, Pak Beluk selalu nginak kekire-kekanan. Seulah-ulah uluk takut ketahuan ulih jeme.
"Uii, nyapu lah kudai udim kudai jejengingaan ini, " kate Merin endai depan kace jendela rumah tian.
Pak Beluk agak terkejut karena diinak Merin, sedang nyapu. Hati Pak Beluk de agi lemak agi, hayalannye nyatu lah udim difotokan Merin base die nyapu ini.
"Awu nulungi bibai kudai kite," jawab Pak Beluk.
"Hahahaa, nulung ape diajungkan," gurau Merin.
"Hahaha... nulungi bibai die sedang masak di dalam," timbal Pak Beluk.
"Cube kite videokan kudai, raseku," kate Merin
"Naa radulah pule, maluan ape kate jagat rami ini kelak Merin," kate Pak Beluk.
"Kite video kudai kidahnye," kate Merin.
"Ah radulah uiii, ai lukak bani viral ini," balas Pak Beluk.
Singkat cerite Pak Beluk sedang nyapu, Merin langsung nikam foto maling. Postnye lah ke Facebook dengan kalimat "Ini laki-laki sayang istri atau suami takut istri," .
“Luka Fyp ini kelak,” dalam ati Pak Beluk.
- Tag
- Share
-
-
