Berubah Metik

BELUM lame ni Pak Beluk ngajari ndung Yung Pantit makai motor. Karene Ndung Yung ni ghapat ngidar, jadi Pak Beluk repot dibuatnye. Ngakalinye supaye dide disibukan bini, Pak Beluk ngambik langkah ngjari bininya pakai motor.

Anye motor ye dipakai untuk belajar motor pakai gigi, ukan matik. Semingge setelah di pertengahan jalan Ndung Yung ragu antara ndak ngerim ape nambah gigi.

Ndung Yung agak gagup dengan ulah sendiri. 

"Pang Yung, ame ndak berhenti luk apekah tini, mane ndak di picit ni," tanye Ndung Yung bingung.

"Yak amen ndak berhenti rem ye dipicit, ukan  nambah gigi,” jawab Pak Beluk.

Singkat cerite berhubung Ndung Yung agak kurang paham pecitnye lah gigi. Senampur terbang, semingge  Ndung Yung tepelanting. Alhasil pacul gigi. 

“Oiii nanggung kalau mbak ini, ukan nguntungkah. Malah njadikah aku pacul gigi. Sakit tegalau, nikmat makan bekurang,” sesal ndung Yung.

Pak Beluk kesikan dengan bininye, kenan menghibur “Jangan sedih nian, kalau pacul gigi tu malah tambah mantap belajar motor. Sebab lah berubah metik, pasti cepat tahu makai motor kele.” 

“Oii kabah, malau mbujuk kekire. Motor kite dide berubah metik, anye banguk aku ye berubah. Dulu lengkap gigi, kini lah pacul,” mumut ndung Yung. *