Bange Begaya

PAK Beluk purik nian dengan kekantinnye, sebab raban tu kini lah ngikuti jeme pakai Fb pro gale. Sementare kenan, jangan pakai FB pro. Nyimpan Hp piut saje dide, lah litak nian Pak Beluk kini.

Anye kenan  dide galak nyerah, Pak Beluk ade trik jike raban tu musikah. Waktu bekumpul raban tu terus muskah HP. Hanye Pak Beluk saje santai dide banyak kulahan.

“Yak ce, mainkah HP tulalit kabah tu. Jangan mendam saje, main Fb kapuh. Atau nonton video ye mbuat banyak pengetahuan,” kate Merin musikah Pak Beluk sambil tetawe kcik.

Pak Beluk lah keruan bahwe Merin musikah, anye kenan tetap santai saje. 

Ditimbal Ujang Kericup “Jangan mendam bapang Yung. Zaman lah modern ce, ikuti teknologi tekini ce”.

Sahut agi oleh Taun “Mikir bapang Yung, mase jeme banyak ni pakai Hp piut gale. Semetare kabah ye cetar membahana dide nggunekah Hp model itu”.

Lah udim gela raban tu ngicik njawab Pak Beluk “ Aku ini jeme dusun, Hp hanye untuk keperluan saje. Ukan untuk gegayaan, sebab penghasilan aku tebatas. Udim tu, kalau neman ige makai Hp kite dide pacak ngobrol agi. Lah memasing aguk terus waktu bekumpul. Jadi kesannye, awak buyan, pisak cak tampil hebat. Jadi akibat Hp piut kite jadi bange begaya”.

Lanjut Pak Beluk “Pikirlah ulih kekamu, gajian beaghi – aghi, duitnye hanye untuk beli paket. Sementare beghas di dalam kalegnye lah mbuni. Jadi mare beghupuk tubuh, bulih pakai Hp piut kalau memang sesuai dengan keguneannye. Kalau untuk begaya saje, nyarei badan”.

Kekatin Pak Beluk menam gale, sebab disampaikah bapang Yung tu same dengan nepak di dahi.*