Ngerinsoi Mate

CERITENYE, Pak Beluk di aghi kedue Lebaran diam di ghumah. Sementare bini dengan anaknya juga kekantin lain sibuk jalan-jalan.

Berhubung Pak Beluk nide keluar ghumah, pas Lebaran kedue ngidang hari alias sehari numpas tiduk.

Lah Lebaran ketige Pak Beluk maju di ghrumah, laju tiduk agi kenan.

"Yak amen luk inilah ndik nginak ulah alih jeme kabah bapang Yung," kicik ndung Yung Pantit.

Singkat cerite lah agak nyagu 3 aghi di ghumah. Pak Beluk ngajak Merin, seminggenye Merin dide nolak.

Laju Pak Beluk dengan Merin jalan-jalan lah di Lebaran keempat. 

"Yak kukire lah agak sepi jeme jalan-jalan Lebaran ni, masih rami ce," kicik Pak Beluk.

"Agak kene mental dikit kite Rin," uji Pak Beluk.

"Kene mental luk mane itu bapang Yung," tanye Merin.

"Luk mane nide kene mental, jeme ngan santingan jalan-jalan ade kite due saje," jawab Pak Beluk.

Laju berhubung Pak Beluk dengan Merin saje yang jalan-jalan, luk adak saje nginak jeme besantingan gale.

Lanjut cerite lah di tengah perjalanan Pak Beluk ndik sengaje nginak mantannye kapuh.

"Uii ce, cuci mata aku," uji Pak Beluk.

"Yak bebenagh kudai bapang Yung. Lukmane aku kah nyuci mate kabah, pacak basah baju," jawab Merin.