Ajaran Bapang

Perayaan lebaran umat islam banyak masakan kue sampai masakan gelamai pule. Singkenya Yung Pantit dengan kancenye kencang dipeci kue lebaran 2025 ini. Singkat cerita.

"Ngape tambah bulat bae badan kaba Yung jak udim lebaran," uji Merin.

"Biase paman banyak makan kue jak anak tat sampai gelamai dimakani gale," uji Yung Pantit.

"Biasenye jeme udim lebaran ni agak kurus dikit,  ngape mu tambah pukal," jawab Merin.

"Biaselah paman lagi senang dan bahagia hari kemenangan ini, banyak pule makan kue lemak gale," timbal Yung Pantit.

"Mase mpai makan kue lah bulat badanmu, bukan de puase selame ni," uji Merin.

"Au paman bulannye saje puase, amen makan siang maju neman aku ni," jawab Yung Pantit agi.

"De ngape, ghebung de jauh jak ghumpunnye, amen anak de puase ade turutannye," uji Merin.

"Au paman lemak dapat bapang de puase, pacak pule niru, itulah badan ni masih bulat saje sampai lebaranni," jawab Yung Pantit agi.

"Jangan diikutkah nian Yung bapangmu tu, de lemak dikinak, amen iluak bapangmu gale kalu gancang kiamat," timbal Merin sambil tetawe pule. 

"Ok paman tahun muke aku de lagi ngikut bapang, aku ndak rajin sembayang mangke jadi anak saleh, pacak doakan bapang mangke galak pule sembayang, iluak paman. Tapi kate bapang paman ngajari bapang," jawab Yung Pantit sambil besiul. 

"Kicikan dengan bapang, ambik padeknye saje ajaran jak paman, nye karut tinggalkan gale," nasehat Merin.