Tebudi Bini

SAAT sedang udim yasinan dii masjid dusunnye Pak Beluk betanye nga ustadz ye mimpin. Die ndak betanye betanye amalan ape angkan wajah bininye bercahaya saat tiduk.

"Izin nanye Pak Ustadz. Kire-kire amalan ape ye diajarkan ustadzah nga bini aku waktu dang tiduk," tanye Pak Beluk.

"Nah lukmane ceritenye itu. Seingat aku Dide ade guru aku ngajarkan amalan ye luk itu," sanggah Pak Ustadz.

"Nah nian Pak Ustadz. Saking bercahaya mukenye. Sampai kinakan mpuk die belesebu selimut," kate Pak Beluk.

"Ohh. Mbaini keruan aku tape die amalannye tu. Amalan ye dipakainye tu Facebook-an dalam selimut," jawab ustadz. 

"Adak alangkah nemannye pule Facebook-an sampai tengah malam. Nak kene tatar nian Endung Yung ni kele," kate Pak Beluk. 

Ustadz penasaran, mangke die betanye “Di mane die kejadian itu bapang Yung. Semingge kabah penasaran nian. Ape kejadian di kabah”.

Pak Beluk kemaluan, mangke die ngeles. Dia njawab “Ukan di badah kite ini pak ustadz, aku tu ade cerite kekantin saje”. 

Tapi dalam hati Pak Beluk ringam nian. Banyak perasean kenan, ape ndung Yung nil ah main mate dengan jeme lain. Semingge main Facebbok dalam selimut nian. Kenan purik nian, sebab selama ini tebudi. Sebab waktu ditanyekah, bininye njawab ade amalan khusus nian.