Buyan

buyan petang kemaghi, pas udim mandi pak beluk nasehati bininye ndung yung. "ndung yung, kamu ndak hati-hati nian mbak ini. sebab, kini lagi banyak nian modus penipuan," kate pak beluk. "nah, ye luk ape pule modus nye tu bapang yung. ngape aku njadi takut ni," timbal ndung yung. "banyak modusnye, mulai njak di mintak nomor hp, minta nomor rekening dan sebagainye," pak beluk njelaska. "ntuk, behaye nian amun luk itu pecaknye," jawab ndung yung. singkat cerite, pas paginye ndung yung pegi ke konter ndak ngisi pulsa sekaligus tranfer duit.  anye pas ndak ngisi pulsa dengan tranfer duit tu, ndung yung tepikir ngan kicikan lakinye. sebab, waktu itu tukang konter mintak nomor hp dengan nomor rekening ndung yung. tanpa pikir panjang, ndung yung langsung ngejuka nomor hp salah dan nomor rekening ye salah pule. jadi, pas balik ndung yung pede nian ngicik ngan lakinye. "ampir kene tipu aku tadi bapang yung. ade jeme mintak nomor hp ngan nomor rekening kite," kate ndung yung becerite. "nah mangke nide kamu njukka kan," tanye pak beluk. "yak nide bai. aku masih teringat pesan kamu kemaghi," timbal ndung yung pede. "ui awu syukurlah amun luk itu. dimane pule kamu ampir ke tipu tu," tanye pak beluk. "tadi waktu aku ndak ngisi pulsa ngan tranfer tanci ke konter. nah, pas aku ndak ngisi pulsa udim ngirimka duit. jeme konter mintak nomor hp ngan nomor rekening. makenye ku enjuka nomor ye salah," mak beluk njelaska. "ai cacam. buyan nian kamu ni ndung yung ai. awak lah tue tambah buyan kamu ni. masuk ke nomor jeme pulsa dan tanci tu masuk ke rekening jeme amun luk itu," pak beluk marah. "nah, adak kecul titu. mangke luk ape tini," ndung yung bingung. "nide luk ape. itulah buyan tu nide ndak dipelihara," pak beluk rengam.

Tag

Share

• 
• 
• 
• 
•