Obat Ampuh

Ceritenye Pak Beluk lah seminggu ni ndik keluar ghuma karne Pak Beluk dang demam yak ngan seleme. 

Berhubung lah lame ndik keluae ghumah, Pak Beluk dijenguk gaweh kawan-kawannye alias rombongan. Kawan Pak Beluk tekanjat nginak Pak Beluk beselimut tebal.

"Yak ngape lah beselimut tebal, aghi tegalau angat ni," tanye Ujang Kericup.

"Kedinginan bro maklum agi demam, ndik kehasean agi mane angat amen badan tegalau dingin ni," jawab Pak Beluk.

"Minum pil lah udim aku ni, kalu ndak sepapan abis," timbal Pak Beluk agi.

"Uy mang tanggung ige sepapan belut pil tu, amen ndak cepat sihat 2 butik sekali teguk tiap kali luk itu," ragam Ujang Kericup.

"Ngajung mati kabah tu bro, bukanne ngajung semangai," jawab Pak Beluk.

"Ade Mang amen kamu ndak ubat paling ampuh," timbal Merin.

"Tape agi Rin, kurang percaye sebenernye aku," Jawab Pak Beluk.

"Kumis kucing dengan daun selasih dibuat minuman," Merin ngicik.

Singkat cerite dengae kate Merin kumis kucing tadi, berupuk Pak Beluk. Sate rombongan lah balik becakaghlah dengan kucing.

Satu lah dapat kucing tetaknye gaweh Pak Beluk kumis kucing, daun selasih tadi giling Pak Beluk. Sate tanye’i Mak Beluk obat ape ini.

"Ini obat ampun kumis kucing dengan daun selasih, kumis kucing ku tetak mangke ku rebuskah, daun selasih ku giling," jawab Pak Beluk.

"Ayy bange kamu ni Pak Beluk, ndik bakal," timbal Mak Beluk.