Keliklik Bujang Tue

Ceritenye Merin ni, ndak merasankah gadis dusun sebelah, anye pas berasan ni tadi segale rasan nurut gale. Mangke tu, Merin minta solusi ngah Pak Beluk, berhubung badan lah tue umur lah tue pule.

"Luk mane aku tu ame menurut kaba Pak Beluk? Umur ku ni lah tue saye tue tini, pacak dide bebini-bini jadi bujang tue nian," kate Merin mintak solusi.

"Ui rasankah gaghi jeme tuenye, base kaba ribang nian gah die tu. Nah malam pagi kabah gaghi langsung ame gadis tu galak ngah kaba," timbal Pak Beluk.

"Galak die, lah udim ku kicikah," lanjut Merin.

Lah waktunye ndak ke ghuma keluarga betine yang diribangi Merin, malamnye langsung saje. Anye Merin ni tadi lah nurut gale, aww tuape ame lah galak bebini pas saje juduh lah ade. Tuape kate Bak betine tu lah nganggut gale palak Merin pukuknye.

Bak gadis ngicik pule, “Amu kamu galak ngah anak ku, ade rasannye terutame sembahyang 5 waktu.”

Mangke tu dijawab Merin, “Au kah ku turut gale tuape die rasannye kele ku laksankah asak kami ni jadi nian.”

Mangke tu Bak gadis ngicik agi, “Ame kate kaba lasung gale, auu kah diaguk kah/nikahi secepatnye berarti.”

Anye sate sebulan udim nikah tampaknya janji Merin ni tadi palsu gale. Janji tinggal janji, ye segale dirasankah tadi musnahlah sudah.

"Ndik didengarkah awak manusie, inilah ye dinamekah keliklik bujang ndak nganggau segale rasan payu gale, amu lah dikabulkah same luk ngicik ngah cuping kinjagh. Sampai mati dide kah dengar," kate Bak Gadis ngecik ngah anaknye ye dinikai Merin. (cw2)