Tambah Alap

tambah alap menjelang tahun baru, ndung yung ni ngimbei kance-kance ye ngumpuli skincare mangke tekinak lebih alap. “banyak rinci bedak kabah ni ndung yung, ndak dipoleskah ke mane agi selain di wajah tini?” kate pak beluk. “nduk kabah, harusnye kabah senang aku banyak skincare, mangke aku tambah alap,” jawab ndung yung. “masihkah luk itulah kabah tu,” pak beluk gemimul. “ape kate kabah?” ndung yung ngelirik sinis ke pak beluk. singkat cerite, sebelum ndak ngerayau perayaan tahun baru, ndung yung ni lame nian duduk di depan kace, sambil senyum-senyum pakai skincare-nye. die pun nanye ngah pak beluk. “sayang makin alap dan seksi kan aku kini?” tanye ndung yung ke pak beluk. pak beluk tekanjat sambil ngelirik ndung yung yang manggil ye sayang. “ndik salah panggil kabah ni ndung yung, ndak numpang duit kabah ni manggil-manggil aku sayang ni,” kate pak beluk. “aih kabah ni ndik ngerti romantis, jawab kudai sayang tambah alap ndik akuni pakai skincare ni?” ndung yung maju nanye. “awu sayang tambah alap nian,” jawab pak beluk sambil munjulkah ndung yung. “kalu lagi luk ini, kire-kire umurku berape sayang?” tanye ndung yung. “kalu ku kinak-kinak dari kulitmu uluk umur 20 tahun, rambutmu uluk umur 18 tahun, dan penampilan mu uluk umur 25 tahun,” jawab pak beluk. “ah kabah ni pacak nian sayang,” kate ndung yung tesipu malu. “au nian, tapi kudai ku cari kalkulator kudai berape total ye tadi, nah mbak itulah kire-kire umur kabah kalu lagi luk ini,” jawab pak beluk dedegik tetawe

Tag

Share

• 
• 
• 
• 
•