Salah Sangke

Petang kemaghi gaweh Ndung Yung beli ikan besak, jadilah amen besak nye tapi tulang semat gale.

Banyak jijih Pak Beluk nginak tulang gale. Singgenye tebenyai nasi lih ikan tulang gale. Ndik sempurne makan gaweh tulang semat gale, mane badan litak karne gawian banyak.

"Amen agi ade ikan lain beli kuday ikan lain," jijih Pak Beluk.

"Dikbedie sempurne makan ni mane badan litak, ungubiti lih tulang banyak ni tebenyai nasi," sahut Pak Beluk agi.

Maju Pak Beluk ni ngubiti ikan maju pule bejijih. 

"Uy makanlah kuday, lum pule ndak bejijih saje ni," bantah Mak Beluk.

"Kele tulangan amu maju bejijih, maju pule nyuapi nasi ni," giliran Mak Beluk bejijih.

Majulah Pak Beluk nyuap nasi puk uji nasi tebenyai. 

Singkat cerite, tulangan nian Pak Beluk lum lame Mak Beluk ngicik. Singgenye tediam Pak Beluk ndik ngicik agi. 

Lah payah alias bingung luk mane care ngambik tulang yang tecucuk dalam tenggorokan. Lum lame jelah tepacul, langsung cerite awal mule kejadian.

"Lah tehase base itu tulang tapi masih ku pepak sangke ku tulang ikan halus kirenye sabal," Pak Beluk ngicik.

"Tecucuk pasang udim nian tulang dalam tenggorokan, berkat tangan panjang juge walhasil dapat," sambung Pak Beluk agi.

"Singgenye lah jauh rupuk’an ku tadi amen sampai ndik tepacul, takut operasi laju ndak dibedah," Pak Beluk agak takut. *