Modal Yakin

AKAP kemaghi udim makan Pak Beluk ngiciki anak semata wayang nye Yung Pantit tentang doa.

Pak Beluk ngingatkan anaknye bahwe ye paling penting dalam doa tu adalah yakin terhadap doa ye dibace.

Pas malamnye Pak Beluk pegi dengan Yung Pantit ndak njemput Ndung Yung di rumah neneknye.

Anye karne malam tu agak gerimis, jadi pas lalu di nyawangan (hutan, red) ade muni kayu rimbun.

Ndengar itu, Pak Beluk langsung takut bukan main, kenan langsung mbace doa dengan suare kencang.

"Allahumma Barik Lana Fima Razaqtana Waqina Adzabannar," kate Pak Beluk maju ngulang-ngulangu bacean itu.

"Ngape mbace doa itu bak," tanye Yung.

"Dediamlah kaba Yung, amun kaba apal bacelah pule doa ye bapang bace tu," Pak Beluk tanbah takut.

"Kudai bak, doa ye kamu bace tu doa makan. Memangnye takut antu ngan doa makan tu," tanye Yung agi.

"Dediamlah Yung bacelah saje," kate Pak Beluk maju ngucapkan doa makan tu.

"Ui aku karuan bak, antu pasti takut kite makan. Sebab, doa ye kamu baceka tadi doa makan. Sangke antu kite ndak makan die," kate Yung luk keruan nian.

"Aeu Yung ye penting modal yakin," timbal Pak Beluk sambil maju ngegas motor. 

“Oiii bak segale urusan ini dide pacak modal yakin saje, harus sesuai jalurnye,” kate Yung Pantit serius. 

Nganing kicik anaknya, Pak Beluk sadar kalu doa ye die bace tu salah. Pak Beluk maluan saje ngan anak nye tu.