Isi Pulsa

isi pulsa mak beluk kini lah ade hp. lah lame beli hp, endung yung ndik pacak nelpon. “yung ngape hp aku endik pacak nelpon? tiap nelpon ade jeme bejijih,” kate endung yung. “yak kalu habis pulsa?” kate yung. “luk mane pule isi pulsa?” tanye endung yung. “yak tinggal ke konter, kicik ngisi pulsa,” jelas yung. dengar penjelasan yung, endung yung langsung pegi ke konter. sepuluh menit balik jak konter. “yung ngape lum nambah pulsa hp ni?,” endung yung nanye. “yak lumane pule, kinak kudai hp itu,” kate yung. pas dicek yung, pulsa endungnye memang belum masuk. “mak ngisi di mane pule tadi?” tanye yung. “ngisi di konter depan, tapi jeme konter itu seyum-seyum,” jawab endung yung. “dienjukan nomor hp-nye?” tanye yung. “au aku enjukan, tapi kusalahkan,” jawab endung yung. “yak endikah masuk pulsa itu, kalau nomor salah,” jawab yung. “jeme senyum-senyum itu namenye jeme jualan ndak ramah,” uji yung sambil kisit. (ujr)

Tag

Share

• 
• 
• 
• 
•