Nyucuk
Pak Beluk--
Lum lame ni, sebelum hari pemilihan memang lah direncanakan ndak gulai lemak alias gulai bagar ayam kampung.
Jadi pas lah hari-H nyoblos, mulai beringgak Mak Beluk agak sibuk dikit. Nginak Mak Beluk sibuk Pak Beluk agak runyam.
"Ngape die sibuk jeme ndak nyucuk sibuk ke dapugh ni," kicik Pak Beluk.
"Yak, nengkalah jeme, uruslah badan memasing, yang ndak nyucuk gilah, ndik juge ngutangkah kite," timbal Mak Beluk.
"Masih puk uji, nyucuk kudai pai ke dapugh," kicik Pak Beluk agi.
Singkat cerite, urunglah gulai ni tadi Mak Beluk langsung mandi siap-siap nyucuk alias nyoblos.
Sate sampai di badah jeme rami, agak tekanjat Mak Beluk ni.
"Yak ngape jeme rami ni nginak’i aku ni, kire-kire di mane salahnye," kicik Mak Beluk dalam ati.
Masih luk adak Mak Beluk bejalan dengan PD-nye.
Tambah damping tambah nginak gale, agak bingung Mak Beluk ni. Pas dikinak-kinak salah nian baju Mak Beluk lah tebalik.
"Ngape balik Mak Beluk?" tanye Pak Beluk.
"Bajulah tebalik," timbal Mak Beluk.
"Ai.. Malukah nian kabah ni," Pak Beluk agak kesal.
- Tag
- Share
-
-
