Modal Mentik

PAK Beluk petang kemaghi datang ke rumah Merin. Biaselah kalu de minta tolong, kekalu kene kibul dengan kancenye Merin. Amen biasenye Pak Beluk saje kene kibul, karene pemikiran die belum setara dengan Merin lah sampai ke Negara Bosnia.

Amen pemikiran Pak Beluk masih di wilayah Kaur nila,..itu juge cuma tiga wilayah masalanye ndak jauh, motor gerude bughuak belum mampu ndak beligat dijagat angat ini,..karene galak beiluk.

Pak Beluk datang ke rumah Merin de lupe pakai kaca mata hitam. Sangking ke hitamnye, muke Merin dikicikannye belum mandi.

"Ai cacam Pak Beluk, tiap aghi akuni mandi de lupe," kata Merin.

"De ke salah Merin, mu tu belum mandi," timbal Pak Beluk yakin.

"Ngape mu model itu Pak Beluk bukan de betanci," jawab Merin agi.

"De cuma aku kasian dengan kabah jarang mandi," uji Pak Beluk agi.

"Yang belum mandi tu, aku atau kabah Pak Beluk," timbal Merin agi.

"Kalu aku mandi dide lupe, anye sebatas muke saje, biase cuci muka," uji Pak Beluk.

"Kabah lepaskan kudai kaca mata itam tu Pak Beluk, Kalumu pakai nampak belum mandi gale kancenmu. Masalenye kaca mata itammu lain jak lain," Merin protes.

"Biaselah, kiteni modal mentik kudai kelelah urusannya Merin. Ndak mandi ndak lum mandi, amen lagi pegi harus stil abis, kace mata itam modal utame, jangan saje iluak beghuak. Amen kerje de ngape iluak beghuak," uji Pak Beluk nasehati Merin. (man)