Gajah

MALAM Minggu, Pak Beluk nga Merin nongkrong di berende ghumah. Beragam topik lah jeme due ni obrolkan. Mulai njak perpolitikan dalam dan luar negeri sampai ibung-ibung ye bebalah di pekan kemaghi. 

Karne lah habis bahan obrolan, Pak Beluk ngajak Merin main tetebakan seputar gajah.

"Jawab tetebakan aku, ce. Topiknye seputaran gajah. Ape ye lebih besak njak gajah?" tanye Pak Beluk.

Setelah berpikir sejenak Merin menjawab, "Kalu dide bedie ye lebih besak njak gajah. Kecuali dinosaurus".

"Salah. Ye lebih besak njak gajah itu sangkagh (kandang, red) gajah. Mangke lukmane care mudah misahkan gajah besak nga gajah kecik?" Pak Beluk kembali betanye.

"Yak kalu dide bedie care ye mudah. Ndak diamati sikok-sikok mangke pacak keruan ye paling besak sampai ye paling kecik," jawab Merin.

"Salah. Care ye paling mudah ngeruani gajah ye paling besak. Itu dengan care diayak (disaring, red)..hehehe," kate Pak Beluk. 

"Ahh.. ngengade jawaban kaba tu, Pak Beluk," ujar Merin.

"Yak namenye juge tetebakan. Jawabannya kadang di luar nalar. Hehe," jawab Pak Beluk sambil terkekeh.

Bapang Yung Pantit ini kembali betanye, "Siape jeme ye paling kuat di muke bumi ini?".

"Mael Lee. Ujiannye die tu preman terkuat di bumi ini. Amu di anime One Piece ye paling kuat itu Shirohige," jawab Merin.

"Lah kecul nian kaba. Ye paling kuat di muke bumi ini. Itu jeme ye ngayak gajah tadi. Pertanyaan terakhir, toko ape ye paling besak?" sampai Pak Beluk.

"Aii nyerah aku, Bapang Yung. Tetebakan kaba ni di luar nalar akal sehat manusie normal," kate Merin.

"Toko ye paling besak di muke bumi ini. Yakni toko ye jual ayak'an gajah tadi.. hehehe," jawab Pak Beluk dilanjut tetawe panjang penuh kemenangan. (yie)