Bujang Ndik Bemodal

bujang ndik bemodal ceritenye, yung pantit dengan merin ni sedang taruhan sape menang dapatkan hadiah duit. name permainan ludo king, dalam permainan ni ade 4 jeme temasuk yung pantit dengan merin.  jadi pas lah ndak main tu, merin ni lah nyiapkan duit di depan muke rombongan taruhan paling besak minimal rp 200 ribu. nginak duit sebesak rp 200 ribu yung pantit ase-ase ndak urung alias ndik sanggup. "yak besak pule mang, kukire cukup batasan rp 20 ribu," yung ngicik. jadi setelah mikir due kali yung pantit ngundurkan diri. "aku ngundurkan diri, kalu rp 20 ribu malah," kate yung pantit. singkat cerite setelah terlau besak, jadi duit taruhan ni tadi rp 30 ribu. "nahkan kalu kecik juge luk ini lemak benyawe juge, jadilah 30 kali 4 lah berape itu," yung pantit berhitung. lah dipertengahan main yung ni agak kecik ati, alias yung pantit lah ndak kalah. "ndok kah kalah aku ni nampaknye," yung agak ngeluh. "putus sudah harapan men luk ini lengit duit rp 30 ribu," yung ngicik agi. singkat cerite agi walhasil yang yung pantit yang kalah. "ndok urung nian, awak duit ni kahndek nambahi beli gorengan untuk ngapel cewek," yung pantit terime kelahan. nganing yung ngicik luk itu merin nimbal. "ape yung ndik salah dengagh aku tadi, ndak nambahi duit tuk ngapel cewe duit tu tadi. ayy diknian dengah ni. bujang ndik bemodal ame luk itu," merin ngicik.

Tag

Share

• 
• 
• 
• 
•