Nutupi Kesalahan
Pak Beluk--
PAS di sekul kemaghi, karne pelajaran lah udim, Yung Pantit sempat betanye dengan gurunye.
"Buk bulih aku betanye," kate Yung.
"Bulih Yung, ndak betanye tape kaba," timbal Buk Guru.
"Aku tu masih bingung Buk, kekire amun bulih dide jeme tu dihukum, tapi perbuatan die lum keruan tape," tanye Yung luk serius nian.
"Nah, amun itu jelas dide bulih. Jeme tu empai pacak dihukum amun lah terbukti besalah," jelas Buk Guru
"Alhamdulillah Buk amun luk itu. Jadi bebas njak hukuman aku," kate Yung semangat nian.
"Hukum tape pule Yung," Buk Guru bingung.
"Aku ni lum buat PR buk, jadi dide pacak dihukum. Kan lum keruan ngan kamu salahnye tape tadi," kate Yung pede nian.
"Ayai Yung, ndik luk itu maksud ibuk tu. Ude pegi ke depan kaba betegak maju sampai balik kele," kate Guru rengam.
"Ntuk, ada salah sangke aku ni tadi," kate Yung semamam.
"Itulah belajagh iluk-iluk Yung. Ukan hanye pacak untuk ngakali saje, kabah itu hanye modus betanye untuk nutupi keselahan," kate Guru ngingatkah Yung.
- Tag
- Share
-
-
