Temakan Iklan

temakan iklan menjelang sanak kaguakan, ndung yung ni ngikut kance-kancenye, ngumpuli skincare mangke tekinak lebih alap.  “banyak rinci bedak kabah ni ndung yung, ndak dipoleskah ke mane agi selain di wajah tini,” kate pak beluk. “ndelah kabah, harusnye kabah senang aku banyak skincare, mangke aku tambah alap,” jawab ndung yung. “masihkah luk itulah kabah tu. die kah berubah,” pak beluk masih tetap heran.  “ape kate kabah,” ndung yung ngelirik sinis ke pak beluk. singkat cerite, sebelum kah berangkat ke jeme kagukan. ndung yung ni lame nian duduk di depan kace, sambil senyum-senyum pakai skincarenye. die pun nanye ngah pak beluk “sayang makin alap dan seksi kan aku kini,” tanye mak beluk nanyekah efek skincare ye dipakai.  pak beluk tekanjat sambil ngelirik ndung yung yang manggil ye sayang. "ndik salah panggil kabah ni ndung yung, ndak numpang duit kabah ni manggil-manggil aku sayang ni,” kate pak beluk curiga.  “aih kabah ni ndik ngerti romantis, jawab kudai sayang tambah alap ndik akuni pakai skincare ni,” ndung yung maju nanye. “awu sayang tambah alap nian,” jawab pak beluk cari aman.  "kalu lagi luk ini, kire-kire umurku berape sayang,” tanye ndung yung. “kalu ku kinak-kinak dari kulitmu uluk umur 20 tahun, rambutmu uluk umur 18 tahun, dan penampilan mu uluk umur 25 tahun,” jawab pak beluk. “ah kabah ni pacak nian sayang,” kate ndung yung tesipu malu. “au nian, tapi kudai ku cari kalkulator. untuk berape total ye tadi, nah mbak itulah kire-kire umur kabah kalu lagi luk ini,” jawab pak beluk tetawe pasang udim.  ndung yung tekejut, sebab tetue umurnye kalau dijumlahkan. dalam atinye “cacam tetue pakai skincare aku ini. ukan jadi belagak model jeme dalam iklan tu, temakan iklan aku ini badan”.

Tag

Share

• 
• 
• 
• 
•