Kene Aturan

Reporter: Bahman Hadi |

Editor: Dedi Julizar |

Selasa , 22 Oct 2024 - 20:05

Pak Beluk--

kene aturan                             belum lame ini pak beluk riang nihan becerite dengan kancenye merin. lantaran pak beluk tiap makan dapat jatah lebih begizi, bahkan bagian paleknye nian. masalanye die galak masang jaring jadi banyak terus dapat ikan jak ikan keciak sampai ikan ye besak. 
“aku ni terus makan begizi, biase makan ikan,” uji pak beluk
“lemak kabah makan gizi terus pak beluk,” timbal merin  
“au, lah tiap aghi masang jaring laut, jadi makan saje ikan laut,” jawab pak beluk
“kalau kabah  makan ikan ye mane dimakan,” timbal merin agi
“kalau aku bagian paleknye, kalau bagian tengah ndung yung, kalu bagian ikuknya anakku,” uji pak beluk
“itulah mu salah pak beluk, mase anakmu makan ikuknye,” timbal merin
“mase pule anak ndak ngambik jatah kepale ikan, pale ikan tu batan baknye,” jawab pak beluk
“ai cacam pak beluk, makan nye lebih begizi tu anak, ukan kabah ye lah tue,” timbal merin
“ngape model itu merin, kalu makan kepale keluarge makan bagian palenye sesuai dengan aturannye,” uji pak beluk
“makan nye lebih begizi anak, bukan kite lah tue ni, mangke anak pintar, amen kite batan tape lagi ndak pintar, jabatan ndik bedie,” nasehat merin
“betul juge katemu merin, jadi mulai pagi aku makan ekor ikan, anakku makan paleknye, amen ndung yung tetap tengahnye saje,” uji pak beluk
“au, amen maknye tengahnye, daging ikan nye lembut, anaktu makan palaknye nye banyak gizinye, kabah makan bagian ikuknye saje atau buntutnye de ngape,” timbal merin. 
dalam atu pak beluk “nyesal nian aku banyak cerite dengan merin ini, kena aturan urusan gizi aku jadinye”.

Tag

Share

Koran Terkait

Kembali ke koran edisi Radar Kaur, Rabu 23 Oktober 2024

Berita Terkini

Berita Terpopuler

Berita Pilihan