Bace Doa

bace doa pak beluk ditantang merin bace doa sholat magrib berjamaah. kalu pak beluk betul dide bedie salah dapat duit 300 ribu.  pak beluk sebenarnye dide tahu, cuma karena maluan disebutkah dide keruan bace doa sholat magrib berjamaah. akhir pak beluk cube-cube beranikah diri, dengan harapan merin narik tantangan tadi. "cubelah pimpin kudai doa sholat magrib berjamaah ce," kate merin. "serius kudai, pimpinan iluk mane ini," jawab pak beluk. "iyak ngape dide tahu kamu bacean doa sholat magrib?" tanye merin. sebenarnya merin memang keruan base pak beluk dide keruan bacean doa sholat magrib berjamaah.  "keruan aku, cuma dide lemak aku, di sini kan ade imam," jawab pak beluk. "pak imam, izin ajungkah kudai pak beluk pimpinan doa sholat magrib ini," rasan merin. "nah, gilah syukurlah kalu galak," kate pak imam. "kalu kaba keruan bacean doanye ambik duit 300 ribu dengan aku dighumah kele," tantang merin. di sini pak beluk sebenarnye lah maluan kiganan. karena posisi sedang sholat berjamaah di masjid. seandainya pak beluk dide nyanggupi tantangan die bakal malu, sebaliknya, kalu die nyanggupi bakal malu karena dide hapal. karena jeme ini lah bayak ndesak, akhirnya pak beluk beranikah diri. "jadi kalu memang dicerayekah," pak beluk dalam ati. pak beluk langsung maju disejadah tempat imam sebelum. langsung bedoa dide pakai zikir dengan sholat agi. "yaallah ya tuhan kami, ampunilah orang-orang yang menzolimi saya dan orang-orang yang sengaja menguji saya," doa pak beluk. nginak pak beluk langsung doa, dide pakai sholat dengan zikir akhirnya ditegor.  "sholat nabi kudai, udim tu zikir baru doa," kate pak imam. "ai lupe aku pak imam, pimpinanlah saje kamu. takut salah bace aku, kalu hapal aku itu," jawab pak beluk sambil nyangi. nginak ditegor pak beluk iman, merin ketawe sambil nunduk.

Tag

Share

• 
• 
• 
• 
•