Gulai

Awal mulenye, pas masuk Maghrib keluarga Pak Beluk jalankan kewajiban alias salat Maghrib. Jadi, setelah udim salat ni tadi siap-siap beringgak ndak makan.

Pas nyampai dapur, Yung ni heran gulai panjang tejulur. Nginak gulai panjang Yung nanye dengan ndungnye.

Anye sebelum nanye, Yung ngicik.

"Yak ndik tekanjat kamu nginak gulai ini Bak?" kicik Yung dengan Baknye.

Pas udim ngicik lu itu dengan baknye dik dijawab. Jelah nanye dengan Ndungnye.

"Ndung ape gulai kite ni, peraseghan aku ndik pernah gulai ini ngape hari ini lain, ngah bentuknye saje lah lain," tanye Yung.

"Kecaplah kuday Yung, pai komen," jawab Ndung Yung singkat.

"Ukan luk itu Ndung, tapi aneh saje,luk mane asenye lah panjang tejulur pule," kicik Yung.

Singkat cerite, agak ngancap Yung ni lah damping ndak makan. Satu ditetak gulai tu tadi ngiut.

"Ayy Ndung ay gulay tape lah tini, mane lah ngiut panjang pule," Yung maju bekutuk.

Jadi jelaskah Ndung Yung base name gulai ni ikan lantung.

"Ade-ade saje gulai ikan lantung," kicik Yung.

"Nginak Bak lahap nian makannye, sedangkan aku ngeri-ngeri makannye," Yung Pantit ngicik. 

“Ai ndung, ase makan gulai bebat tini,” Yung maju bemimut.