Kue Apam

kue apam petang kemaghi pas balik njak kerje pak beluk mbatak apam (kue, red) sekantong asui. pas sampai di rumah, kebetulan anye yung pantit anak semata wayang pak beluk tulah ade di rumah. amun ndung yung lum balik masih ngerumpi di sebelah rumah. singkat cerite, pas nginak bapangnye mbatak kue, yung pantit langsung mbukak kantong asui tu dan langsung makan apam tu. "lemak apam ini bak, di mane pule kamu beli tadi?" kate yung sambil maju makan. "ukan mbeli, tadi aku betemu ngan kawan lame, die ngenjuki apam tu. ngape lemak yung?," kate pak beluk. "au bak lemak nian. kawan lame ape kawan-kawanan bak," uji yung ngucaki bapangnye. "ai anu kawan masih bujang dulu yung. amun dulu santingan aku die tu. anye amun mbak ini dide agi," kate pak beluk jujur ngan anaknye. "kebetulan tadi betemu di jalan, die masak apam banyak nian. jadi dienjuknye ngan aku separuh," kate pak beluk agi. "ui awu bak, itulah aku lah curiga nian," kate yung sambil cecengis. "awu anye jangan diceritekah dengan ndung kamu anye tu," pak beluk takut ribut ngan bininye. singkat cerite agi, pas ndung yung balik langsung besasut pule makani apam tu. yung ye nginak langsung betanye ngan ndung nye tu. "lemak mak?" tanye yung. "awu lemak nian yung," timbal ndung yung. "dide ndak betanye njak mane dapat mak?" tanye yung agi. ndengar yung lah idar ngicik, pak beluk langsung ngajaki yung mandi. "ude melah mandi yung," kate pak beluk takut perang dunie ke-10 dengan bininye. 

Tag

Share

• 
• 
• 
• 
•