Mak Gaul
Pak Beluk--
Ndung Yung ni mpai balik dari ghumah kance. Ternyate kedapatan kate - kate ye baru ndung Yung ni.
"Yung tape die arti shut down tu," tanye ndung Yung
"Shut down tu artinye matikah mak," jawab Yung Pantit.
"Ooo au, jelah kance-kance mak ni tadi sibuk nyebutkah shut down, kirenye titu arti nye," ndung Yung mulai paham.
"Yakkk dapat bahase baru kaba ni mak," kate Yung sambil tetawe.
"Hahaha au ngimbei jeme kudai, pakai bahase Inggris sesekali mangke gaul," kate ndung Yung.
Setelah nanye-nanye dengan Yung, ndung die masuk kamar.
"Ay Yung mintak tulung kaba shut down kah kudai kompor di dapur titu, lupe nge shut down kah mak tadi," kate Ndung Yung mekik ndai kamar.
"Nduk ay tape die kaba ni mak, bukan lukitu nggunekah shut down tu," Yung Pantit ngerutkah kening.
"Yakkk same saje, kan matikah artinye shut down titu," jawab ndung Yung.
"Ndik pule kaba ni ndak pakai bahase shut down-shut down tu mak, aku ye malu ndengarnye," kate Yung Pantit sambil giling palak.
“Yak jangan pusingkah kate jeme, ye penting mak jadi gaul,” tuntas bini Pak Beluk PD. (fps)
- Tag
- Share
-
-
