Nyari Balak

Ceritenye Yung Pantit ngan Ujang Kericup ni memang lah jauh hari lah nyusun rencana ndak pegi liburan. Anye berhubung banyak kendala lajunye ndik pernah lasung.

Berhubung liburan ndik jadi Ujang Kericup dengan Yung Pantit ni ade rencana baru. Men kate Ujang Kericup rencana ni ndik boleh tau banyak jeme.

Agak kebingungan Yung Pantit.

"Kire-kire rencana ape yang ndak dibuat Ujang Kericup?" dalam ati Yung Pantit penuh tande tanye.

Akibat penasaran laju ditanye gaweh Yung Pantit.

"Amen bulih tau rencana ape pule? Jelah jeme ndik boleh keruan," tanye Yung Pantit.

Lah berape kali Yung nanye dengan Ujang Kericup, ndik pernah dijawab. Jadi tu berhubung ndik dijawab kicikannye dengan Pak Beluk akibat Yung penasaran.

"Pak kire-kire rencana Ujang Kericup tu ape? Jelah ndik banyak jeme tau," tanye Yung Pantit.

"Yak mane aku keruan urusan kamu," jawab Pak Beluk.

Jadi singkat cerite, rencana Ujang Kericup ni jauh jak dirupuk’an alias ribang dengan bibay jeme. Mangkenye rencana Ujang Kericup ndik boleh dikeruanni banyak jeme.

Amen kate Ujang Kericup lah lame nian die nyimpan rase dengan bibai jemetu. Anye ndik behani ngicikkanye.

Amen kate Ujang Kericup alasan ribang dengan bibay jeme karne die menarik. Jak mane saje nginaknye alap gale.

"Ai... Parah dengah ni," kicik Pak Beluk.

"Telanjur basah ce," jawab Ujang Kericup.