Makan 1.000 Ikan

makan 1.000 ikan belum lame ni yung pantit ngota besak dengan kancenye di sekolah.  duduk di kursi, keting keciknye di atas meja sambil diguyangkan pule. cerite yung pantit, die mpani ni makan ikan banyak ade 1.000 ekor. mpuak banyak makan ikan belum kenyang kila beditnye. kance banyak di sekul de percaye cerite yung pantit sambil ngangguk-angguk palak tu. “amen de percaye kamu banyak ni, pacak aku buktikan depan kamu. anye bayari aku cak rp 10 ribu batan upah nonton pertunjukan makan ikan 1.000 ekor tu,” uji yung pantit. “biase kami di rumah galak makan ikan banyak, bapang aku amen makan ikan pacak 2.000 ekor jak palaknye sampai ekornye dimakan gale de besisa,” lanjut yung. singkenye kawan di sekolah dengan guru yung pantit de pecaye kila dengar ocehan yung anak semate wayang pak beluk. “ngenian ocehan mu ni yung, mase makan ikan 1.000 ekor,” kate gurunye. “au niah pak, aku dengan bapang aku biase saje makan ikan banyak beribu ekor,” uji yung pantit “ai cacam, iluak mane kamu makan ikan sampai beribu,” timbal gurunye. “gampang itu pak makan ikan 1.000 ekor, asalkan kance banyakni ajung sumbangan rp 10 ribu jadilah,” uji yung pantit agi. “amen rp 10 ribu yung, pacak aku saje bayari, tapi buktikan makan ikan banyak tu,” jawab gurunye agi. lum lame yung balik ke rumah sambil batak tanci rp 10 ribu ndak dienjukan dengan ndungnye minta masakan kue bakwan ikan ipun. kue bakwan lah masak, lasung saje die pegi ke sekul. “mane yung, makan ikan banyak, ujikanlah depan kancemuni,” pinta gurunye “ok pak, anye aku ni makan bakwan empat butiak kudai, mangke aku cerite,” uji yung lah abis bakwan empat butik, yung pantit cerite.  “bakwann i tinggal sutiak pak. dalam bakwanni ade ratusan ikan ipun. namenye bakwan ikan ipun. sikuak-sikuak gale ikan ni pak de main potong banyak pule,” uji yung pantit. “yak yung, amen iluak ni, jangankan seribu ikan, sepuluh ribu ikan pacak pak makannye amen campur bakwan, ikan mbak lidi sapu ini. de nihan kamu yung, same nihan dengan bapangmu, ngota besak gale,” uji gurunye sambil tetawe hehehehe. 

Tag

Share

• 
• 
• 
• 
•