Libur
![](https://radarkaur.bacakoran.co/upload/2be9e81bc9139a0d0b8d8d58d8e21728.gif)
Pak Beluk--
Pung dang hari libur pak beluk dengan kawan-kawannye mandi kolam renang. Memang jak jauh hari lah direncanakan.
Jadi tu pai nembai sampai rami nian, badah kubangan ni tape ame hari minggu jeme galak gale mandi. Berhubung rami ndak nunggu kudai Pak Beluk dengan rombongan ni.
Lah lame nunggu ni lah sejam lebih, tambah rami saje. Sian ditunggu sian nambah rami bukannye ngurang.
Singkat cerite, berpikirlah Pak Beluk ni tadi ngiciklah dengan rombongan.
"Uyy cee ame ndak nunggu sepi ndikkah sepi jalan kubangan ni," kicik Pak Beluk.
"Tulah jiku Mang, jadi luk mane kite ni," jawab kawannye.
"Amen kate ku acak guyurlah kite ni soalnye lah tebayar, mase ndak diambik agi duit tu," jawab Pak Beluk.
Lah siap rombongan ni mandi lah ganti baju gale pukuknye gaya tu lah stel. Anye sayangnye baju renang Pak Beluk ndik kemuat, berkat badan tu besak ige.
Singkat cerite agi, rombongan makai baju renang Pak Beluk tulah ndik makai baju renang makai baju biase tulah. Singgenye Pak Beluk pede nian makai baju tu awal celane cabik ndik disadarinye.
Bukan cabik saje celane tu tadi, anye bangse agak lambing alias lah kedodoran.
Satu nyelam sekali celane lah anyut, Pak Beluk tinggal makay dalamannye agi. Jeme banyak tu litak nawekan Pak Beluk.