Foto Alap

foto alap pak beluk malam ini berencane ndak ngapel. karena pak beluk jemenye pemalu, jadi belum berani datang ke rumah giyaknye surangan. jadi ngajaklah merin ni tadi, tapi pak beluk bemanat dengan betine itu. ngajak kawan supaye merin ade kawan. "aku ngajak kance ke rumah kamu malam ini, dide berani sughangan aku" kate pak beluk. "awu kele aku ngajak kance pule," balas betine itu. singkat cerita berangkatlah pak beluk dengan merin. sesampainye di rumah betine itu. pak beluk dengan merin langsung disambut. tapi, disini pak beluk dengan merin agak tekejut. karena aslinye dengan foto jauh beda. "ce dululah kamu," kate pak beluk. "yak dululah, kenalan kamu titu. aku ni endak kemih, dululah kamu kele aku kesini agi," kate merin. karena lah telanjur ini tadi, akhirnya pak beluk beranikan diri. soalah-olah kenalannye ini sesuai gambar. singkat cerita lah bejalan waktu 30 menit merin ini belum nguluh-nguluh. janjinye ndak kemih tapi sampai dide balik aku. karena lah ngerase dide nyaman agi akhirnye pak beluk nge-chat merin. "di mane kaba, aku sughangan di sini tekandul," pesan pak beluk. "aku sedang indomaret, lajulah kamu situ aku kah disinilah" balas merin "yaak, tolong aku ce. ngape dide sesuai dengan gambar ini, di foto halap aslinye ngape uluk ini, jemput aku modus cak-cak kawan kecelakaan kite" balas pak beluk singkat cerita sampai merin di lokasi pak beluk. "ce melah kite balik kudai, kance kaba kecelakaan di luar kritis posisi ble cepat dikit," kate merin. "ai iluk mane tini, mase mpai sampai langsung balik kite ini," modus pak beluk. "cepatlah kele pule sini agi," jawab merin. "dek maaf nian. yu, abang jenguk kance kecelakaan kudai posisi lah kritis," buhung pak beluk.

Tag

Share

• 
• 
• 
• 
•