Ngingun Fb

ngingun fb udiman beberes dapur, mak beluk mandi dan pegi ngumpul dengan tetangge sebelah ghumahnye. “ape gulai petang ini endung yung?” tanye tetangge ngah mak beluk. “nide begulai, guring ikan dapat yung mancing,” jawab mak beluk. “yak mantap itu,” kate tentangge mak beluk. “mak ini alangke banyak jeme buat status di fecebook (fb),” kate tetange mak beluk. “au nian, padahal nide die gunenye,” jawab mak beluk. “kabah endung yung, lah ade fb?” tanye tetange mak beluk. “belum ade, aku nide nian endak ngingun fb,” jawab ndung yung. “yak, jeme ngenruani dunie ni di fb nilah,” timbal tetangge. pas balik jak ngobrol dengan tetanggenye, mak beluk ni tadi penasaran ngan fb. “yung, lukmane jeme makai fb itu?” kate endung yung. “yak gampang, daftar kudai,” kate yung. “yak bayar beghape pule daftar itu?” tanye endung agi. “yak nide bayar gratis titu,” jawab yung.  “aman luk itu daftarkan kudai aku,” kate endung. “au kele kudai, malam kele saje,” jawab yung. “yak yung, kalu tutup jeme kalu nak malam kele,” timbal mak beluk. dengan jawaban endungnye, yung lah tetawe. “yak ngepe kaba tetawe yung, serius endung ni,” endung yung lah agak ngegas. “yak mak, fb itu aplikasi, nidee nutup-nutup, kele dibuatkan,” uji yung sambil kisit. (ujr)

Tag

Share

• 
• 
• 
• 
•