Santingan Tue
Pak Beluk--
Pak Beluk petang kemaghi dang bene, karne tiap hari mikirkan duit. Segale pejalanan ndak duit. Singgenye palak Pak Beluk lah lalas tetengah gara-gara mikirkan duit saje.
Rupuk’an Pak Beluk, ame idang aghi bene saje kalu abis ghumbak di palak ni. Jadi, karne Pak Beluk dang banyak masalah, pegi mancing untuk nenangkah pikiran.
Anye, pas Pak Beluk ndak pamit dengan Mak Beluk. Ndak ngikut pule Mak Beluk ni mancing.
"Tuape gaweh ngikut mancing ghulih adak, payah au kabah kele Mak Beluk," kicik Pak Beluk dengan bibainye.
"Pukuknye ndak ngikut,” Mak Beluk ngicik.
"Dem amen luk itu, galilah umpan," kate Pak Beluk.
Singkat cerite lah udem gali umpan berangkat ughang ni. Mancing lah Pak Beluk ngan Mak Beluk ni tadi. Sambil cerite masa lalu (pas masa-masa santingan atau pacaran).
Jadi, rombongan due ni tadi dikde agi mancing, anye lah saling maluan berkat momen ni jarang.
"Yak, Pak Beluk ndik pule ndak ungkit gale," Mak Beluk maluan.
Singgenye entah ke mane ntah pancing ni tadi Pak Beluk ngan Mak Beluk lah ulang santingan tue agi.
- Tag
- Share
-
-
