Bini Kuat Mental

bini kuat mental lum lame ni pak beluk ketahuan ngan kacenye merin, baseka kenan takut ngan bininye, ndung yung. pak beluk ni ketahuan waktu kenan mintak depatkah ngan merin di ghumah. anye karne merin, ndepatka pak beluk masih akap nian, jadi ketahuan lah pak beluk sedang diajung bininye nyesah. "yak, luk ape bapang yung, ngape tangan penuh ngan buih renso ni," tanye marin nginak pak beluk bekusuk ngelapi tangan. "ai biase ce, tape pule batan kerje. nyesah sambil mandi," timbal pak beluk luk adak. "mase kerje jeme ghumah kaba pule ye ngerjeka. nide medal empuk betato besak di badan tu," kate merin. "adak nide ke ngape mbantu tugas jeme ghumah sesekali," timbal pak beluk agi. "odimlah bapang yung, amun takut ngan bini kicikka saje," uji merin sambil tetawe. "dide bedie hubungan die nyesah baju bini dengan takut ngan bini," jawab pak beluk ngilak. "baseka nyesah tu tugas bini bai, ngape pule kaba," cetus merin. "same tugas bini ngan laki tu ce. biase bai nulungi bini," kate pak beluk njelaska. "udimlah bapang yung, amun takut ngan bini kicikka. tato saje betimpilan. anye masih takut ngan bini, hahaha," merin maju ngakak tetawe. "ukan takut ngan bini ce, anye bini aku tu lebih kuat mentalnye, semingge berani njak aku," pak beluk maju ngilak. "adak same saje titu bapang yung, masih takut tula retinye. ude mandilah amun langsung ndak upahan," kate merin. "hehehe, awu ce. anye aku ngudimka sesahan kudai palangan," kate pak beluk sambil balik ke dalam.

Tag

Share

• 
• 
• 
• 
•