Advertisement Google

Asal Kicik

Reporter: Rohidi Effendi |

Editor: Dedi Julizar |

Senin , 19 Aug 2024 - 20:59

Pak Beluk--

asal kicik                            lum lame ni ndung yung maju ndengar kalu banyak jeme di dusunnye tetangkap selingkuh.
jadi, karne penasaran, ndung yung betanyelah dengan tetangganye ye rupenye die paham pule ngan selingkuh.
"ui mak bedul, tape pule reti selingkuh tu," tanye ndung yung.
"ui, amun setahu aku selingkuh tu same saje ngan bocor atau mencret," timbal mak bedul.
karne ndung yung lah keruan reti selingkuh, jadi kenan langsung balik ke agi ghumah.
singkat cerite, pas lah petang aghi, pak beluk lakinye empai balik njak kerje.
anye pak beluk langsung terkejut nginak bininye maju ngecakka peghut sambil tiduk dan badan lesu nian.
"adak, ngape pule kamu ni ndung yung, ngape sangkan badan kamu luk kelitakan nian," tanye pak beluk.
"awu bapang yung, biaselah gawih selingkuhan. njak akap tadi sampai kamu balik ni tadi maju di hajar selingkuhan. tadi, lum sempat naikka celane, selingkuhan lah datang agi. jadi wajar saje aku luk ini," kate ndung yung luk adak.
"astagfirullah ndung yung! ngengape kamu ni. aku payah-payah kerje, mangke kaba luk ini. lah dide nian sihat kaba ni. mati gancang nian kaba ni," pak beluk marah besak nian ngan bininye.
"adak ngape kamu luk itu bapang yung. aku sedang beidapan mangke kamu ngicik luk itu," ndung yung langsung nangis.
"awu, bedidapan die amun kerjean ngurungkah lanang," pak beluk tambah marah nian.
"ngurungkah lanang luk ape. baseka aku ni kene bucur, njak akap tadi maju kulih kiligh ke wc. jadi wajar aku kelitakan," kate ndung yung jujur.
"mangke tape hubungan bucur ngan selingkuhan," pak beluk bingung.
"kate mak bedul, bucur tu same ngan bahasa gaulnye selingkuhan. mangkenye aku ngicik luk itu tadi," ndung yung njelaska.
"ai cacam ai. njak kebile pule selingkuhan same ngan bucur kapuh. jangan salah bahase karene kah dikatekan gaul, kerje buyan. asal kicik ndung bedul tu ndung yung," pak beluk ngikik tetawe.

Tag

Share

Koran Terkait

Kembali ke koran edisi Radar Kaur, Selasa 20 Agustus 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan