Advertisement Google

Beli Kaleng Cat

Reporter: Redaksi |

Editor: Daspan Haryadi |

Jumat , 28 Jun 2024 - 21:30

Pak Beluk--

beli kaleng cat                            lum lame ni merin busik ke ghumah pak beluk.
kebetulan pak beluk ni lagi rehab rumah dikit-dikit. pas merin busik perendangan ngecat tukang pak beluk ni. 
ukan pule jeme lain ye betukang ni, masih kance rombongan inilah, ujang kericup.
“aku ndak minta kaleng cat mun pacak,” merin berasan.
“berasan ngah pak beluk ce. aku ni ngecatnye saje,” timbal ujang.
“pacak pak beluk?” kate merin ngulang kate.
“batan tape kaba tu?” tanye pak beluk.
“ui li ade gunenye sangkan jeme mintak,” jawab merin.
“batan tape kudai,” uji pak beluk.
“ai kaba ni kepo nian ngah urusan jeme. penting pokoknye,” merin ngguk ngecikkannye.
“ade carenye men kaba ndak kalengnye ce?” kate pak beluk.
“lukmane?!” merin mulai kesal.
“kite kerjesame,” jawab pak beluk.
“au lukmane kerjesamenye tu?!” merin tambah kesal.
“kite beli cat sesame. men kaba ndak 2 buah kalengnye, kite beli 2. duitnye sesame, bagi due. kele aku ambik kudai isinye, udim tu ambiklah ngah kaba kalengnye. lukmane deal?” uji pak beluk, serius.
“yak....ukane kerjesame namenye tu. mbigalkan kaba ni!” merin lah rengam.
“mase mintak kaleng cat saje ndik ghulih ngah kaba ni ce. sakal bekawan ngah kaba ni. ude aku kah balik, engguk agi aku busik ngah jeme penjedit ni,” merin ncelengus balik.

Tag

Share

Koran Terkait

Kembali ke koran edisi Radar Kaur, Sabtu 29 Juni 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan